打印本文 
关闭窗口 Ngaq E Aqma
Aqlo Puvteil Ssaq Zal Miqli
Ngaq e aqma kuvq ceil huvq yozeiq biao wulnaq. Aqyoq nei bo laq e miqyo kuvq meilnaol jol. Ngal ngaq e aqma yaol daov gaq ya, yulmeil liq neema hal nyuq aqmeil maq buvq duv nia. Yeiqnao aq laosiil nei meiq hevq wulyaq. Ngaldu aqma yaol gaq e aq lolgal galssaq, aqma ngalduq yaol gaq e ngaoq baqma miav nei navq.
Ngal siivq huvq tyultaq, soqhhaq maq zol movq ya leil nyuq. Ngaq e aqma ngaq e daoqpei eil, “Soqhhaq maq zol ngaoq, aqkal heeq lal tyultaq hha saq lal nga. Miavbeivq nadul meil qiq gal maq yil nia.” Ngaq e aqma ngal soqhhaq bi zol movq ballal nei, siivq nao nao biao ngaq yaol xoqxaof eq sa wulnaq.
Ngaldu aqma yaol, ngalya meilnaol ballal nei, soq jol qiq jol maq jol peq. Aqma eiq, ngalya meilnaol maq nieil zaq nga, ssaq meeq qu e qu pyuq bi bo nial.
我的母亲
阿倮坡头村 张明里
我的母亲已经60多岁了，她生有我们六个兄弟姐妹。我很爱我的母亲，可是一直无法表达我的感情。今天老师的一席话终于让我明白，我们爱母亲只像小沟那样浅，而母亲爱我们却像江河一样深。
记得我七岁那年闹着不肯去上学，母亲就对我说：“孩子，你如果不读书，将来你会后悔的；如果没有文化，你就会像瞎子一样，哪都去不了”。为了让我继续读书，她背着我送了七天学。正因为有了母亲的执着，我才有了今天。
我的好妈妈，为了我们兄妹，不管刮风下雨你也不敢休息一朝，为了我们兄妹，您操碎了心。妈妈，我们没有忘记你的养育之恩，我们一定会报答你。
Haqniq Zolqoq Zyul Lal Jil
Aqlo Puvteil Ssaq Beiq Yeisel
Lolbaq ngaqsaq aqmeil qiqgao dav zyul ya, haoqmeil alkaq aqmeil qiqgao qao puq lal. Eiqsi milnao yul jol yaol, ngaldu meilnaol qaq qaq maq hev; yeiqnao ngadu meilnao qiqgao zyul ya, qiq mavq qiq zeil nei xilmeil zyul lal jil. Qiq ma bo ssaq leil halmiav maq jol nga, ngaldu meilnaol puq lal zyul lal e xil jol yaol, qiq ma boq ssaq aqmeil hha gaq zaq nia nga.
Haqniq soqhhaq zol nei qiqgao zyul jil al, Haqniq soqmiav buvq ssol qiqgao puq jil ya. Haqniq soqmiav zol ssol buvq e aqyeil taq biul jil yoq, ngaldu meilnaol neema qiq siq tavq alnei, Haqniq yeillul ssao nei bi dav li kal. Haqniq soqmiav zol hev, ngaldu meeqduq jav e maq ceil meil, naolhao ssaqssyuq ssaqla meeqduq liq tuvqqil jav nga.
Gaq li colqoq aqyivq aqnil qiq mavq, yeiqnao ngaldu meilnaol qiqgao gul zyul alnei, ngaldu meilnaol qiqgao gul ssaoq alnei, Haqniq soqmiav buvq zol kalleil eil ya. Haqniq soqdoq zol e neenieil maq bo meil zol jil, laosiil meiq e meiqpyuq hha bi bo miq nga. Ngaldu zolqoq qiq mavq, niaoq’aol huvqlavq zol nei maq hev lal nia qiq jivq maq jav. Maq zaol qivq alnei laolngoaq, haljivq ssaqqa haljivq soqmiav zol hev nia ngaoq meeqduq jav gaoq nga.
哈尼学员来相聚
阿倮坡头村 白艳收
我们好似游上游下相聚在一起的小鱼。在过去的日子里，我们谁也不认识谁，今天，我们从四方相聚在一起，虽然我们不是一娘所生，但我们好像一娘生的一样，相互帮助和相互团结。
为了学习哈尼文这个共同的目标，我们相聚在一起。我们在一起学习哈尼文写作，要认真学习，不能三心二意。学好哈尼文，不但对我们有好处，而且对将来的哈尼子孙后代也有好处。让我们同心协力把哈尼文化搞上去吧！
亲爱的同学们，如今，老师把我们兄弟姐妹召集在一起，教我们学哈尼文，希望每个学员都不要辜负老师的期望，让我们为将来的子孙后代打下更好的基础。亲爱的同学们，当今时代，只要有机会学习，没有学不会的东西。只要办得到，各民族都学习自己的语言文字，将会有许多好处。
Ngal Ssolnei Haqniq Soqmiav
Aqlo Naqhhal Ssaq Li Luvcel
Yeiqnao naomeeq qiq nao ngaeel al. Ngal gaoqlaoq meeq alnei, xilgei yiv ssol Haqniq soqhhaq zol yi, xiltaq aq niq taq ngeel al. Miqteil qiq taq aqmeil Yifxil siilfaf xoqyeif nei yiv laq e laosiil meiq e nga.
Ngal Haqniq soqmiav mol tuvqqil meil hhyul e ngeel al. Tyulmeil liq ngal ssaqguq tyultaq nei Haqniq niqdoq dav meil maq gee alnei, Haqniq soqdoq, doqmoq doq’yul yulmavq maq loq bei. Tyulmeil liq aqyivq meilnaol nei balhaol, laosiil nei meiq alnei. Niaoq’aol Haqniq soqmiav buvq liq buvq nia, zol liq zol nia al. Qiq taq hhana aq Haqniq soqdoq yulmavq liq buvq zol zol zaq nga. Aqkal ngal hhaqhav tivq alnei, ngal hev nia maq ceil meil, puv’laol e aqpiq aqbol, aqda aqma, ssaqmiq ssaqyo yul mavq liq hhaq meiq hev ya.
我与哈尼文
阿倮那村 李鲁抽
今天是个吉祥的好日子。我更是个幸运者，能来到这里学习自己的语言文字，这是第二次了。和第一次一样，讲课的都是玉溪师范学院来的高级教师们。
我对自己的语言文字非常感兴趣，但是，小时候的我很少用自己的语言，从不知道有很多的古话、古语。现在在朋友的帮助，老师的教导下，我可以用自己的语言写下自己想的，也能读懂别人写下的文章。以后我会加倍努力，把自己学到的这些，教会我的父老乡亲，兄弟姐妹们。
Neeqma Nyuq E Colssaq
Tavqzaoq Ssaq Beiq Gaqqivq
Aoqqivq sulhhaol noq yaol nyuq duv al la ya
Yiuvq li miav maq miv meil noq yaol nyuq gaq ya
Colgaq niq hhaq qiq hhovq hha cuvq alngaoq
Zaq li haoqmaq maq jav maq qil sso
Zaq li haoqmaq maq jav haqciivq daoqdel dev yil sso
Ssaoq li juldal maq jav maq nyuq sso
Ssaoq li juldal maq jav xalzeil eilheiq hoqloq heivq yil sso
心里的恋人
大寨村 白嘎记
深夜想起了你
难以入眠
如果两人能在一起
即使没有饭碗也不要紧
我们可以用竹筒做饭碗
没有筷子也不要紧
我们可用蒿枝做筷子
Dama
Naqhhal Lolgov Ssaq Ceiqsel
Miltav halpyuq e dama nga.
Peilhaoq jeilpal pal qivq e liq, dama aq maq pal qivq nga.
Aqhhol zyuq e liq dama nei bo laq e nga.
Ngaldu meilnaol naoq e yul taq, aqma qiq yavq dalqei ceil lov peel pal aol meil qu, aqda laqnil a zeiqcil sal meil qu. Aoqqivq ngaldu meilnaol hhyuq nyuq tall al e liq, aqma xayoq aldovq hul’a nei peilssaq laqssaq guvq taoqngaoq, haqpyul deilteil naogo hhovqleivq yiuvqsul hha tul. Yoq hhaq e ssaq liq sul’a ssaq meil qiq heiq bi jol sal movq e balllal nei, miavpyuq almiuvq baqzuvq nadul meil aol pievq wulnaq.
Dama hhaoldoq haqluv cilmal,
Dama doq eil guqso alniq.
Keilsav hhoqmoq hhoqdaq nei moq lal laq e,
Dama liq ssaqguq nei heeq lal laq e.
Dama naogo lavqmoq taq gu,
Dama meiqsi doqhav taq leiq.
Qiq hhaq meiqhu taol nao maq puq,
Qiq hhaq meiqhu qiq jol puq.
Ngaldu liq colmoq qiq taq moq lal nga,
Dama hhaqjo qiq hhaq maq soq nia nga,
Dama yaol hha gaq miq nga!
父母
那倮果村 成收
世上最大是父母。
衣服可以换，父母却不能换。
即使做官也是父母生的。
我们小时候，母亲一夜为我们换几次尿布，父亲外出赚钱养活我们。深夜我们睡醒几次，母亲总在油灯下为我们缝补衣裤。随着鸡啼声，她又得起，为了让自己的孩子也能像别人的孩子过得好，自己的脸上却爬满了猴脸皱纹。
父母的话像石头油一样珍贵，
父母传下的语言通俗流畅。
菜园里的菜是由苗生长，
父母也是幼年长老的。
莫在父母面前指手划脚，
莫在父母面前发怒。
人人都得变老，
个个都得经历。
我们也会老的，
父母之情永远无法偿还，
要爱父母！
Haqniq Soqmiav Nei Ngaq E Miav Cevbiei
Tavqzaoq Ssaq Ceiq Lacel
Ngal yeilhha salhha e xal aolssaq qiq hhaq nga.
Niq taol niq huvq Pyulniul ba’la saoq la siq, Haqniq soqmiav zol e siqhel xil mol, ngaq e miavheiq a taoqpuq. Ngal lavqheiq qeiltav nei ceiqyoq lavqtuv bavq zei, daolteil e havetaoq leiv zei alnei, Haqniq soqhhaq zol li.
Xal aolssaq qiq hhaq soqhhaq paltaol ceq alnei, hhoqleivq soqhhaq zol li, xilmeil leil e siqhel taoqpuq lal nga leil, ngal aoqqivq yiuvqmav liq maq mav bei. Siqhel hel meeq, laosiil siilmeeq, soqhhaq zol e yul meenia nao, aoqqivq yiuvq sil maq xa, neema hevq meil hevq alnei, qiq heiq zol hev movq leil nyuq.
Haqniq soqmiav zolyaol a keeltuvq qiq tao yul nao neikavq e, Haqniq soqmiav ssolnei ngaq e neema lavqcavq cavq alnei maq hhoq qivq al. Soqmiav nei ciiltul alnei, miavbeivq cevbiei laq e aqmeil, ngaq e aolmiaoq liq aqnu qiq qa aol pal al.
哈尼文字使我打开眼界
大寨村 陈拉抽
我是个普普通通的种田人。
2002年3月份，学习哈尼文字的机会出现在我眼前，我高兴地放下手里的锄头，脱下背上的背篓，去学哈尼文字。
我做梦也没想到，一个种田人又背着书包去上学。这样的机会，这样的好老师，短短的培训期间，晚上难入梦乡，一心想学好哈尼文。
跨入哈尼文班后，哈尼文与我紧紧相连，文字增强了我的生存能力，就像盲人重见光明，改变了我的生活。